Барлыбек Сырттанұлы атындағы №25 орта мектебінде 27 желтоқсан күні жалпы ата-аналардың жиналысы өтті.

    Барлыбек Сырттанұлы атындағы №25 орта мектебінде 27 желтоқсан күні жалпы ата-аналардың  жиналысы өтті. Бүгінгі күнгі өте өзекті мәселе-оқушылардың қауіпсіздігі, қысқы демалыс кезіндегі  қауіпсіздікті сақтау және оқушылардың бос уақытын тиімді ұйымдастыру мәселесі бойынша мектеп директоры Р.Ибраймова айтып өтті. Қауіпсіздікті сақтау бойынша облыстық білім басқармасының жадынамасымен, іс-шаралар жоспарымен, мектепішілік  жұмыс жоспарымен кеңінен таныстырып, өзара пікір алмасты. Қазақстан Республикасының Оқу-ағарту министрлігі балалардың қауіпсіздігін қамтамасыз ету мақсатында ата-аналарды негізгі сақтық шараларын сақтау қажеттігі туралы ЕСКЕРТЕДІ:

1.МҰЗ АЙДЫНЫНДА ЖӘНЕ ТӨБЕШІКТЕН СЫРҒАНАУ

КЕЗІНДЕГІ ҚАУІПСІЗДІК

* Балалардың рұқсат етілмеген, мұзы жұқа айдындары мен су айдындарында болуына жол бермеңіз.

* Қысқы спорт түрлеріне арналған жабдықтың (шана, коньки) жарамдылығы мен қауіпсіздігін тексеріңіз.

2. ЖОЛДА ЖҮРУ ҚАУІПСІЗДІГІ

* Балаңызға жолдан, әсіресе көктайғақ кезінде, қауіпсіз өту ережелерін түсіндіріңіз.

3. СЫРҒАНАЙТЫН ОРЫНДЫ ЖӘНЕ ОНДА БОЛУ УАҚЫТЫН БАҚЫЛАУ

* Балалардың, әсіресе адамдар көп жиналатын жерлерде, үнемі ересектердің бақылауында екеніне көз жеткізіңіз.

* Балаңызбен үйге қайту уақыты мен байланыс тәсілдері туралы келісіңіз.

4. ӨРТ ҚАУІПСІЗДІГІ

* Балаңызға отты және электр құрылғыларын, әсіресе жаңа жылдық гирляндаларды, шамдар мен бенгал ұшқындарын қолдануға байланысты ережелерді түсіндіріңіз.

* Сіріңке мен оттықтарды балалардың қолы жетпейтін жерде сақтаңыз. Сонымен қатар, Министрлік балалардың эмоционалды және психологиялық қауіпсіздігінің маңыздылығына назар аудартады. Қысқы демалыс бұл отбасымен бірге болу, қызығушылықтар мен шығармашылық әрекеттерді дамыту уақыты. Балаларыңыздың бос уақыттарын қалай өткізетініне көңіл бөліңіздер. Балалардың өмірі мен қауіпсіздігін сақтау- басты мақсатымыз, бала-басты құндылығымыз.