2024 жылдың 18 желтоқсан күні Базиева Галя Нургалиевна 1 «В» сыныбында “Әліппемен қоштасу” ертеңгілігін өткізді.

2024 жылдың 18 желтоқсан күні Базиева Галя Нургалиевна  1 «В» сыныбында “Әліппемен қоштасу” ертеңгілігін өткізді. 
      Мақсаты: Оқу тілін дамытып, сөздік қорын молайту. Оқушылардың әліппеден алған білімдерін тиянақтау. Әр оқушының іс- әрекеттері арқылы икемділігін, қабілеттерін көрсету,шығармашылық мүмкіндіктерін ашу; Оқушыларды елін, Отанын сүюге,оны қорғай білуге тәрбиелеу.  
    Сынып бөлмесі шарлармен безендіріліп,слайдтар, нақыл сөздер ілінді .
     Осыдан 4 ай бұрын мектеп табалдырығын қысыла да, қызыға аттаған бірі отбасының тұңғышы,бірі кенжесі, ата-әжесінің сүйікті де, еркесі болып жүрген ұл-қыздарымыз, өздерінің ең алғашқы оқулығы болған Әліппемен бүгін қоштасқалы отыр. Бүгін, кішкентай бүлдіршіндер білім өлкесіне қарай  басқан алғашқы қадамдары  «Әліппемен қоштасу !» атты ертеңгілікте  тақпақтарын айтып,әндерін шырқап, билерін билеп, енді білімдерін жалғастырып, әрі қарай білімді болу үшін Ана тілі кітабымен танысты.  Ертеңгілік соңында ата -аналар  балаларды бүгінгі мерекелерімен құттықтады,  және Әліппені аяқтағаны жөнінде сертификат табысталды.Оқушылар  сабақтарын жақсы оқып,білімді шәкірт боламыз деп ертеңгілікті жақсы әсермен аяқтады.