Канапиянова Айнұр Мұратқызы – №25 ОМ 2012 жылғы түлегі

Канапиянова Айнұр Мұратқызы – №25 орта мектептің 2012 жылғы түлегі. Мектеп тарихында Облыстық пән олимпиадасында география пәнінен алтын жүлде иегері атанған алғашқы оқушы. Сонымен қатар, «ХХІ ғасыр Көшбасшысы» телевизиялық интеллектуалды ойынның жүлдегері. Дарын республикалық ғылыми жоба жүлдегері. Мектеп қабырғасында қоғамдық өмірде белсенді оқушылардың бірі.

  Қазіргі таңда, Нұр-сұлтан қаласында «Азаматтарға арналған үкімет» Мемлекеттік Корпорациясының», Басқарма аппаратының «Тарифтер және маркетингтік талдау» департаментінің директорының орынбасары болып қызмет жасауда. 26 жасында, 30 жасқа дейінгі «Жас жетекшілер» қатарында.

« - Мектеп қабырғасында өткен күндерім менің бойымда нағыз лидерлік қабілетімді шынайы ашуға және дамытуға улкен септігін тигизді. Қазіргі күні, күнделікті өмірде, жұмыс бабында үлкен белестерді бағындыруда сол кезеңдердің көмегі өте көп. 25 орта мектептің ұстаздар ұжымына алғысым шексіз, сол кісілердің жоғары профессионалдық деңгейінің арқасында көптеген белді шәкірттер шығуда. Менің анам, сол ұжымның бір бөлшегі болып табылады.          Артымнан еріп келе жатқан іні –сіңілім осы күні сол мектептің шәкірттері. Данышпан Абай айтпақшы «Өзіңе сен, өзіңді алып шығар еңбегін мен білімін екі жақтап». Күнделікті ізденуден, білімдеріңізді шындаудан жалықпаңыздар, сол кезде 100 пайыз межелеген мақсаттарңызға жетесіздер. Қазіргі уақыт – білімділердің уақыты, сол қатардан әрдайым қалмаңыздар! #мектептарихындағы100есімжобасы